«Олимп» яхача начӏал долча берий центро (ЦОД) Даьхенцара безам совбоаккх
«Олимп» яхача кӀоарга хьаькъал долча берий лицее-центре Даьхенцара безам совбоаккх. Цхьан дийнахьа, цу дешара даькъ тӀа хьайийллар 49 «Турпалхочун Парта».
«Даьхен лорабой» ганза гӀалгӀай филиала кулгалхочо Оздой Муслима яхачох, цхьа шу хьалха «Олимпе» хьайийллар шиъ «Турпалхочун Парта» бейнача бӀухой сийна. Цхьан дийнахьа Центре хьакхеллар 49 цу тайпара исторе сийленг, царех 18 хетадаь да Украине бейнача тӀема операце доакъашхошта. Таханарча денга кхоачаш, деррига «Турпалхой Парташ» да лицее 51, царех 20 СВО бӀухой сийна оттадаь да.
Даьхенцара безам совбоаккхаш болх дӀахьош хиларах, майрача бӀухой сийленгашта иштта терко ярах, Оздой Муслима баркал аьлар кӀоарга хьаькъал долча берий центра кулгалхошта, хьехархошта. Кхетаче дӀахьош, доакъашхоша дийцар турпалхой дагалоаттам лорабара лерхӀамах, кагирхошта Даьхенцара безам совбоаккхаш луш болча хьехамах.
«Турпалхочун Парта» хьаделлар – из дагалоаттам лелабаь Ӏеш хилар дац, из ноахалцара дийна бувзам ба. ЛоархӀаме да, таханарча дешархошта ховш хилар: боккъонца бола турпалхой ба укх парташ тӀа баьгӀа нах, укх ишколашка хьалкхийнараш, эшача хана уж эттар Даьхе лорае. «Даьхен лорабой» ганза филиала хӀара бӀухочун карагӀдаьннар лорадар керттерча декхарех цаӏ да, уж санна болча мехкахоша лораду вай Даьхен хургдар», - аьлар Оздой Муслима.
