«Академически цхьоагӏо» яхача кхетачен доакъашхоша шоай говзал лакхйир
«Академически цхьоагӏо» яхача кхетачен лакхерча дешара хьехархошта каьхаташ дӏалуш, кхетаче хилар Магасе. Дешарцара болх боаггӏача боараме чакхбаккхар, таьрахьашца дувзаденнараш довзар белгалдеш да из каьхат. «Сердалога» из хоам бир паччахьалкхен университето.
«Хьакхелла хьаькъал лакхерча дешарца: хьехархочун эшаш дараш» (72 сахьат) яхача программаца чулаьцараш карадерзадеш хиннача берригача доакъашхошта цу оагӏонцара говзал лакхъяра тешалаш дӏаделар. Иштта царна делар Россе дешара, ӏилман гӏулакхех йолча министерствон хьалха латтача Петрова Ольгас кулг яздаь сертификаташ», - йоах тахан тха газетага кхаьчача хоамо.
Боккха, лоархӏаме болх хилар цох. Лакхерча дешара хӏама тоадар хьаэттача кердадарашка хьежжа болх дӏахьош волча хьехархочунгара дӏадолалуш да.
