Мехкарча цхьацца моттигашка болх шаьрбеш ба СВО доакъашхой
«Турпала никъ» яхача программага гӏолла, мехкарча тайп-тайпарча моттигашка болх шаьрбеш, ӏомабеш ба тахан СВО доакъашхой. «Сердалога» бенача хоамах, къахьегама гӏулакхех йолча мехкарча министерстве а ба из гӏулакх хьаллоацаш.
«Проекта доакъашхо вола Къоастой Аслан балхаца дувзаденнараш довзаш, дикка шаьрдеш ва цига. Вай мехкадас Келаматанаькъан Махьмуд-Ӏаьлас СВО доакъашхой цу юкъе дакъа лацара тӏахьехаш йоаржаеш я «Турпалий ха» яхача федеральни проекта гӏулакх дӏахохьош йола из лоархӏаме программа.
Юкъарча моттигашца бувзам лоаттабар, СВО доакъашхой, заӏапхой, ветераний, ЧАЭС хатар хиннача дакъа лоацаш хиннарий, ха яхача наьха оагӏув хьаллацара оагӏонцара болх мишта хила беза ӏомадеш ва из», - йоах тхога бенача хоамо.
Цу проектага гӏолла Даьхен лорабой аьттув ба керда гӏулакх довза, шаьрде, шоашка товргбола болх харжа.
