Дарба де гӏо дергда мехкарча СВО доакъашхочунна
Тӏема операци латтача моттигашка декхараш кхоачашдеш волча бӏухочун нана ера, сага бокъонех вола викал волча. Цо дийцачох, цун воӏ дегӏа маьженаш лерттӏа лелаш вац, ма хулла сихагӏа дарба эшаш ва. Тӏема госпитале дарба де из дӏавахийта гӏо дар дехар дог дехача нанас.
«Сердалога» УПЧ баьча хоамах, Россе Герзашцарча низех йолча Министерствоца бувзаме баьнна, техкар из гӏулакх.
Из лазар бахьан долаш тӏемах мукъавалийтав из. Лорашка чакхвоаккхаш, боаггӏача боараме дарба деш, хьожаргба цунга.
Цу оагӏон Россе министерствос белгалдечох, дӏахо тӏема декхараш кхоачашде йиш йолаш вий а хьожаргба госпитале.
Бӏухой, цар цӏагӏарча наьха бокъонаш лораяр лоархӏамеча декхарех да тахан вай мехка. Сага бокъонех волча викала ше тӏахьожам бергба цу гӏулакха.
