СВО доакъашхочунна хьалхарча гӏата тӏа квартира яла лерхӏ
СВО доакъашхочунна Магасе хьалхарча гӏата тӏа квартира лургья. Из хоам «Сердалога» бир шахьара мэре.
«Тӏема операце доакъашхо, тӏема моттигай ветеран волча Хазанаькъан Адамца кхетаче дӏахьош хилар шахьара да Тиймарзанаькъан Муса. Тӏема аренашка шийна дайначох, хиннача човнах, иштта цхьацца кхоачамбоацарех дийцар Адама мэрага. Ветерана дийцар, ше ваха квартира ворхӏлагӏча гӏата тӏа хиларо чӏоагӏа хало ю шийна, яхаш», - дувц тхога бенача хоамо.
Кхетаче хилале, мэра из гӏулакх дийцадар квартираш хьалъеш бола болх дӏахьоча сагаца, из раьза хилар Адама лохерча гӏата тӏа квартира яла.
Шахьара дас белгалдир, СВО доакъашхошта массахана терко лоаттае езилга, цар хьашташ кхоачашдара тӏехьа къахьега дезилга.
Могаш, маьрша волаш; аьттонца, иразаца ваха даькъалавувцаш; Адамга белгалдир цо, шахьара хьакимаш цун гӏулакхага хьажа массахана кийча болга.
