«Россе 2025 шера хьехархо» яхача яхье дакъа лоацаш хургья МагӀалбикера викал
08.07.2025 13:58
Республике дӀахьош хиннача яхьашка котало яьккха МагӀалбикерча №2 йолча ишколе истори, обществознани хьехаш йола Ӏоахарганаькъан Ӏамархана Амали «Россе 2025 шера хьехархо» яхача яхье дакъа лоацаш хургья дӀахо. Из хоам «Сердалога» бир цу оагӀонцарча министерствос.
Амале ше белгалдечох, хьехархо яхар цун вахаре духхьал професси хинна Ӏац, къона тӀехье нийсача, беркатеча хӀаман тӀехьа ураоттае ловш я из.
Ишколо оттадаьчунга хьежжа, урокаш дӀаяларал совгӀа, дӀахо а берашца кхетаченаш дӀакхухьаш, цар вахара наькъ тӀа пайдане хургдола хӀама довзийт цо.
