Цхьацца кхоачам боаггӏача боараме лоаттабеш боацарашта духьала къовсам лоаттабу УФАСо
Мехкарча УФАС болхлоша къовсам лоаттабу, цхьацца кхоачам лоаттабераша шоай гӏулакх боаггӏача боараме дӏацадахьара духьала. Йиллача хана оттаяьча чӏоагӏонца чакхбаьккхабац цхьан бизнесмена ший болх.
Кхаь тайпара дӏабихьача балхах бизнесмен котбаьннарех хиннав, бакъда каьхаташца чӏоагӏо яь латташ цхьаккха моттиг яц. Кхозза дӏаяхьийтай цун кхоачам эцаш волча чӏоагӏон проект, хӏаьта вокхо цунцара болх чакхбаьккхабац. УФАСа болхлоша дӏабихьача тохкамах чӏоагӏон кулг язде дезаш хиннача юкъа массехказа электронни оагӏонцарча «доалахьарча кабинете» дӏачуваьнна хиннав из, бакъда бокъонга диллача ший де дезар кхоачашдаьдац. ИП дӏабихьача тохкамах ӏаьдала бокъоно дӏадеххача тайпара цу оагӏонцара болх дӏахьош боацараш бехктокхаме озаргболаш ба. УФАСе белгалдечох, шоай гӏулакх лерттӏа дӏахьош боацачар, вочар реестр оттаяьй.
Цу юкъе вола бизнесмен шин шера цхьаккха тайпара паччахьалкхен, муниципальни оагӏонца кхоачам хьачуэцача юкъе хила йиш йолаш вац. Цун гӏулакх административни бехк барга хьалчуденнад. Хӏаьта цхьан бетта кхозза гӏалатвалар яхар цаховш нийсденна хӏама дац, чӏоагӏо оттаярцара (44-ФЗ), бокъо лорае ловш цахилар да.
