Маьхашца дувзаденнарех дувцача кхетаче, дакъа лаьцар мехкарча УФАСо
Гӏалгӏай мехка латтача маьхашца дувзаденнараш къоастадеча кхетаче, дакъа лоацаш хилар мехкарча УФАСа паччахьалкхен инспектор йола Гаьгенаькъан Салимат.
РФ Керттерча банко Къулбихьерча моттига вай мехкарча Къаман банка оагӏонца дӏайихьача кхетчене, маьхашца дувзаденнараш къоастадеш хилар тахан. Цу оагӏонцара бокъонаш боаггӏача боараме лораеш хилара хетадаь къамаьл дар Гаьгенаькъан Салимата цига даьр. Кхетачен доакъашхоша дийцар таханарча дийнахьа кхачанца, кхыдарашца къоастадаь латтача маьхех, иштта дӏаяхача 2026-ча шера хана цу оагӏонца хиннача хувцамех, дӏабихьача балхах. Гулбеннараша белгалдир маьхаш хувцалуш хилара тайп-тайпара бахьанаш. Царна юкъе дар хӏаман юххьанцара мах цхьан боарам тӏа соцаш цахилар; моллагӏча хӏаман мах латтача ханага хьежжа айлуш, лохлуш хилар; иштта кхыдараш а.
Къаьстта йоккха терко еш дийцар вӏашагӏкхетаре маьхаш юкъерча боарамал тӏехдаьнна, геттара лакха айденна хилийта йиш йоацилгах. УФАСа болхлоша боаггӏача боараме тӏахьожам беш, терко лоаттаеш дӏабахьа лерхӏ вахаре эггара лоархӏамеча хӏамашта маьхаш боарамал лакхагӏа ай ца дайтара болх. Кхетачене гулбеннараша соцам бир, цу гӏулакхацара хӏама дикка чӏоагӏде дезаш хиларах, моттигашкара экономически оагӏонца дувзаденнараш боаггӏача боараме лораде дезилгах.
«Болх цхьана дӏахьош хилча, моллагӏа хӏама хувцадалар дикагӏа теркалдеш хул, кхоачамбоацараш а ханнахьа юстардаха аьттув боал. ӏаьдала бокъоно дӏадеххача тайпара хила деза мехкара цу оагӏонцара гӏулакхаш, лакха тӏахьожам беш лораде деза уж тахан», - дийцар Гаьгенаькъан Салимата.
