Гӏалгӏайчен УФАСо Наьсарен мере болхло бехктокхаме эзар
Гӏалгӏай Республикан федеральни антимонопольни гӏулакха урхаллено бехктокхаме эзар Наьсарен-Шахьара администраце болхло, лаьтта леладара бокъо луш, ялх электронни тӏаьрг дӏахьош кхоачамбоацараш юкъедитарах.
Антимонопольни гӏулакха болхлой хьежар, Наьсарен-Шахьара мэре болхлочун духьаларча административни гӏулакхашка. Тохкама болх дӏахьош боахамо 12 соцам тӏаийцар, административни гӏод техар 210 000 сома. Ховш ма-хиллара, тӏаьргаш яра болх дӏахьош, царна юкъе дакъа лаца бокъо елар тешаме воацача доакъашхочоа. Из хьал РФ Лаьттан кодекс телхадеш да.
Урхаллено лаьрхӏар, тӏаргаш дӏахьош волчо бокъонах доацараш лаьттан закона юкъедитад, аьнна. Дӏахо из саг административни бехктокхаме эзар.
Тхога хоам баьчо яхачох, УФАСа соцам закона низ болаш ба. Административни гӏод ший ханнахьа такха деза.
