Россе ФАС оагӏонца толашагӏа ба, аьнна, белгалбир вай мехкарча УФАС болхлой
2025-ча шерарча тохкама балхага хьежача, Россе ФАС моттигашкарча оагӏонашта юкъе толашагӏа хилар вай республикера УФАС. Дӏадахача кӏира хиннача Россе ФАС кхетаче дийцар цу гӏулакхех. Вай мехкарча УФАСа хьалха латташ вола Тоачанаькъан Батыр а хилар цига дакъа лоацаш. Кулгал деча Шаскольски Максима шера дӏабихьача балхага хьежа, дӏахойодача хана кхоачашде деза керда декхараш белгалдир.
Вай мехкарча оагӏоно болх боаггӏача боараме дӏабихьалга белгалдир кхетаче. Иштта вайцигарча тоабо дакъа лаьцар спорта кхетаче а: «Спартакиадага» гӏолла вай мехкарча УФАСа хьалха латта Тоачанаькъан Батыр моттигашкарча оагӏоний кулгалхой тоабан юкъе ше дӏавовзийташ хилар. Итт тоабо дакъа лоацаш хиннача яхьашка хьалхара моттиг яьккхар вай мехкахоша.
«Гӏалгӏай республикерча УФАСа тоабан доакъашхой моттигерча оагӏонца санна федеральни оагӏонца а белгала болаш, хьалхашка латта декхараш бехктокхаме кхоачашдеш, шоай гӏулакхаца лакха лерхӏам болаш хьабоагӏа», - дийцар тха газетага. Тахан хиннача толамо кхы а доккхагӏа декхараш белгалду бокъонаш лораяйтара тӏехьа къахьегаш болча болхлошта хьалхашка.
