Леладе ӏаьдала лаьтта эцарца нийсденна кхоачамбоацараш гучадаьхар УФАСо
Лаьттан гӏулакхех йолча министерстваос теркал ца деш дита лаьттан арендаца дувзаденна кхоачамбоацараш зийра УФАСо.
Цхьацца болх дӏабахьа аьнна лаьттан доазув леладе дӏадалар тохкаш дӏабихьача балхаца бокъонца доацараш нийсденнад, аьнна, леткъар УФАС. Из гӏулакх тахка эттараша зийра, РФ Лаьттан кодексаца дувзаденнараш теркал ца деш, гӏалатбаьнна хилар.
Гӏишлон болх дӏабахьа бокъо луш дола каьхат, иштта цу оагӏонцара массехк лоархӏамедараш белгалданза дар цу юкъе. Гӏишлон балхашцарча бокъонга диллача, цхьаццадараш шоайла вӏашкадоагӏаш хиланзар.
УФАСо тӏадиллад, нийсденна кхоачамбоацараш йиллача хана юстардаьха хилийта, аьнна. Бокъонга хьежжа болх дӏахьош хиларо цу гӏулакхацара экономически хьал тоаду. Лаьттан доазув леладеш юххьанца оттабаь хинна мах 5,5 эзар сома тӏара 256, 9 эзар сомага кхоачаш айбелар, ма дарра аьлча, 46-зза лакхбеннаб из мах.
