Гӏалгӏайчен УФАСа гучадаьккхар мехка лорий моттигашка кхоачамбоацараш хилар
Гӏалгӏай Республикан Федеральни антимонопольни гӏулакха болхлоша тӏахьожама болх дӏахьош, моттигерча лорий урхаленашка кхоачамбоацараш хилар гучадаьлар.
Цо хьагойтар, шоайла яхье даьннача боахамашта юкъера болх лаьгӏбала тарлуш хилар. «Ужахьанаькъан К.Р. цӏерагӏча ДРКБ» ГБУЗ, «А.А. ӏалбакханаькъан цӏерагӏча СЦРБ» ГБУЗ хьакхайкайир тӏаьргаш «Б» класса нувхаш дӏаяхьара хьалаш лоаттаде, из чӏоагӏа тӏахьожам лоаттабе безаш, санитарни боарам лорабе безаш хьал да. Контракта мах ба 3,8 миллион сом, иштта 2,6 миллион совгӏа сом дукхагӏа. Бакъда технический декхарашка хьежача антимонопольни болх лелаберашта корадир кхоачамбоацараш. Заказчикаша белгалдир, нувхаш чакхъяхара, уж цӏенъяра хаттараш кхоачашдеш волчун лаьрххӏа йола моттиг хила еза, из а Наьсарен-Шахьара доазон тӏа хила еза.
Говзанчаша яхачох, нувхашцара болх лелабара долча закона даькъ тӏа цу тайпара хьалаш яздаьдацар. Иштта, дарбанчешка чӏоагӏъяьча схема тӏа да, из шахьара доазон тӏарча администрацешта тӏачӏоагӏдаь хила дезац, аьнна. Контракта балха оагӏонна новкъарлонаш еш хул из. Наьсарен даькъ тӏа мара из хила йиш йоацаш хиларах, шоай лицензеш а йолаш, таханарча заман гӏирсаш а долаш бола доакъашхой юкъера боах цу дешо, тӏаккха уж кӏезигагӏа хул.
УФАСа говзанчаша яхар чӏоагӏдеш я тӏаьргаш дӏаяхьара чаккхенаш а. Шинна а тӏаьрго цхьацца дехар мара чуденнадац.
Цу гӏулакха каьхаташ чуденнад, антимонопольни закон толхадаь хиларах гӏулакх хьаделлара.
