Гӏалгӏайчен УФАСо гучадаьккхар, лорий гӏирсаш эцача кхоачамбоацараш хилар
Гӏалгӏай Республике гӏолла болча Федеральни антимонопольни гӏулакха болхлоша могадеш тӏаийцар, предприниматель «РОД» яхача Паччахьалкхен бюджетни урхалленна латкъаш хилар, яхаш, хоам бу «Сердало» газетага.
Дарбанчен 900 эзар совгӏа сома маьха хирургически гӏирсаш лоаттадара электронни аукцион дӏайихьай.
Предприниматела теркалдир, технически декхара чудоагӏаш гӏалаташ далийталга, каьхаташ тӏа хьалххе а белаглдаьккхад гӏирсаш тӏа мукхдуаш доаца болат яздаь хила дезилга, иштта малагӏа хьисапаш долаш хила еза троакараш, переходникаш, цар тайпа, йоккхал, кхыметтел чов тегаш кӏалъехка бӏегӏинг малагӏча беса хила еза. Вешта аьлча, белггаларча цхьан хӏама дохкачоа лаьрхӏа йоазув да иштта даьр.
Антимонопольни болхлоша яхачох, технически хаттараш вӏашагӏдохкаш, хӏама дохкачо юкъера бувзам ӏалашбара лаьрххӏа йола бокъонаш лелае еза, цо таро лу бюджетера дӏадодаш дар пайда эцаш леладе. Хоадам болаш, из каьхат цхьан хӏама хьаяьрашта доагӏаш оттадаь хиларо хьагойт цу юкъе закон толхадаь хилар.
УФАСо дӏабихьача тӏахьожама балхах предприниматела лоткъам, кӏалха кӏийле йолаш ба, аьнна, лаьрхӏар. Хӏама эцачо кхоачамбоацараш нийсдалийтад, №44-Ф3 Федеральни законага диллача. Уж дӏадаха дезилга хьалхадаьккхад, цу гӏулакха де дезараш хьалхадаьхад из хаттар кхоачашдара, бехкебараш административни бехктокхаме озаргба.
