МАХ оагӏон бувзама гӏончага гӏолла шоай болх тоабеш ба почтан болхлой
МАХ къаман бувзама чат-бот оалача гӏончага гӏолла хьакхеллай укх деношка республикерча федеральни почтан бувзама оагӏоно къахьегама керда таро.
«Хӏанзчул тӏехьагӏа, чат-бота новкъосталга гӏолла моллагӏа каьхат е кхыйола хӏама дӏаяхьийта, сага ший яьшка шийна тӏехьа чӏоагӏъе, хӏама дӏахьор хьавеха, электронни каьхаташ кхахьийтар леладе, иштта кхыдараш кхоачашде аттагӏа хургда бизнес лелаерашта.
Бувзама моттигашка дӏааха ца везаш, цу оагӏонга гӏолла чакхдаха йиш я дукха лоархӏаме гӏулакхаш. Д1а ца водаш, гаьннара дӏабахьа йиш я из болх, кхо минот мара ха ца йоаеш», - дийцар тха газетага. Чат-бота гӏулакх дикка тоаде лаьрхӏа ба УФПС журналаш, газеташ хьаяздечарна, иштта реклама йоаржаяра тӏехьа а.
«Республике бизнес лелаерашта атто е гӏерташ да тхо тахан. Хӏама хьадерашца бувзаме долаш, тахан хьадаьнна кердадараш юкъелоацаш, цу оагӏонцара болх боаржабергба оаха. Чат-бота бахархошта лур боккха аьттув ба тахан», - дийцар тхога вай мехкарча почтан бувзама кулгалхочо.
