ГӏалгӀайче гӀолла йола УФСБ хьакхелла 32 шу дизар дездир
Укх деношка 32 шу дизар ГӏалгӀай Республике гӀолла йола Россе кхерамзлен Федеральни гӀулакха моттиг хьакхелла. ГӏалгӀайчен кулгалхочо Келаматанаькъан Махьмуд-Ӏаьлас даькъалабийцар УФСБ болхлой, ветеранаш цу денца. Цо белгалдир мехка кхерамзлен Ӏалашо а цхьоагӀо а лоаттаяра цо доккха дакъа юкъедена хилар. Из хоам «Сердало» газетага бир ГӏалгӀайчен Кулгалхочун, Паччахьалкхен зарбан болх лелабераша.
«Мехка хӀара моттиге ФСБ болхлоша, паччахьалкхен кхерамзле, цхьоагӀо лораяра беш бола болх массаза хьалхарча мугӀаре лаьттаб». Къаьстта белгалде деза, ГӏалгӀайчен УФСБ болхлоша лораю кхерамзле, иштта вай мехкара машар, цхьоагӀо», - аьлар республикан Кулгалхочо. - Таханарча дийнахьа вайна хьалхашка латта декхар да, моллагӀа дола зулам юкъе ца доалийташ, из юхатохара тӀехьа хилар. Из цар дика вӀаштӀехьа а доал».
Цӏай дездеш мемориале дагабехар шоай балха декхараш кхоачашдеш бейнараш. Республикан Кулгалхочо УФСБ болхлошта ловца баьккхар, могашал йолаш, паччахьалкхен кхерамзле лораеча даькъ тӀа керда толамаш доахаш уж хилар ловш!
