Наьха машинаца селий мехка ваха, сакъердаш лийннар дӏалаьцар ӏаьдало
Галашкарча вахархочун машин лочкъаярах гӏулакх хьадийлла, тохкама болх дӏахьош хилар полици. 2013-ча шерара «Лада Гранта» яха ший машин дӏоагӏаш чудоахкаш йолаш, наӏараш дӏа ца къовлаш, ший коанаӏарга йитай вахархочо. Машин, йоккха юкъ ялале, яйна дӏаяьннай. Машинаца дайнад цу чу илла паспорт, машина каьхаташ, банковски карташ, 100 эзар сом ахча.
«Сердалога» Россе вай мехкарча МВД болхлоша белгалдечох, цу сахьате болх дӏаболабаьча полице машин лочкъаяьр хьалаха аьттув баьлар. Духьале ца еш, ше дари дир цу сага.
Бийсан, цу машина чу дӏачухайна, ше Селий мехка вахалга белгалдир цо. Дог ӏаббалца хийхка ваьлча, машин Кизилюрта ӏоккхессай.
Россе МВД «Шолжа кхала» МО яхача оагӏон болхлоша РФ УК 2-ча даькъа 158 ст.гӏулакх хьадийллар цунна духьала (доккха зе деш, хӏама лочкъадар).
МВД болхлоша бахархошка кхайкарал ду шоай хӏаман лертӏа доал деш, фийла долаш, кхаьч-кхаьчача дӏоагӏаш чудоахкаш машинаш ӏо ца увттаеаш лорале, яхаш. Наӏараш дӏакъайла йолаш мара, йита йиш яц моллагӏа машин, цул совгӏа, лочкъае хӏама а чухьнахьа: каьхаташ, ахча, кхыйола хӏамаш - цайитар дикагӏа да.
