Сага бокъонех волча викала, прокурора гӀончас нах тӀаийцар
16.04.2025 14:52
ГӏалгӀай Республикан сага бокъонех волча викала Цӏечой ИбрахӀима, иштта республикан прокурора хьалхарча гӀончас Воробьев Темура цхьана нах тӀаийцар, яхаш, дийцар УПЧ Аппарата зарбан болх лелабераша.
Тайп-тайпара хаттараш долаш венавар 12 саг. Уж дувзаденна дар шоай доалахьарча хӀаман бокъонца, пенсионни хьалашца, фусамаш езаш хиларца, уголовни процесс дӀахьоча моттиге сага бокъонаш лораяр дехарца, иштта кхыдараш.
Цу нахагара 8 дехар хьаийцад дӀахо тохкаргдолаш. Цул совгӀа, царна хьалхадаьккхар шоай бокъонаш йовзара хьалхарча аргӀагӀа цар де дезар а царна ха дезар а.
Цар яздаь дехараш шоай теркама юкъеийцад сага бокъонех волча викало а иштта республикан прокурора хьалхарча заместитела а», - аьлар ГӏалгӀайчен УПЧ.
