Вайцара къаьстар къаман сийдола воӀ, дуненна цӀихеза Коазой ИбрахӀим
Кхаьрача дийнахьа 85-гӀа шу дола СССРа езача атлетиках цӏихеза тренер, дукха дика спортсменаш кхебаь саг Коазой Ӏабибулата ИбрахӀим Даьла Ӏоажалах кхелхав.
Коазой ИбрахӀим советски ханара йоккха цӀи йола саг вар. Из дика вовзаш вар дӀадахача бӀаьшерен 80-ча шерашка, цо кхебаьча спортсменаша Олимпийски ловзарашка дошо майдилгаш йоахаш хиннача хана.
ГӏалгӀайчен спорта Министерствос белгалдаьча беса, Коазой ИбрахӀима кхебаьча спортсменашта юкъе ба СССРа, Европа, дунен, Олимпийски ловзарий чемпионаш, СССРа кхоъ цӀихеза спорта мастер, 16 халкъашта юкъерча класса спорта мастер, СССРа 200 совгӀа спорта мастер.
Бакъда воацаш ва ше морг ца хинна дика саг, дика хьехамча, ше мел вах гонахьарча наха дега йӀовхал, сердал дӀалуш хьавенар. Уж дешаш ца доагӀаш аьннадац. Кхы а ала дезаш а дисад; хӀана аьлча, цӀаьхха, хьахезача халахетаро ховш дар а дицду.
Са хьамсара воша! Дала везаш тӀаийцарех волва хьо, иштта дика волаш вахалва хьо наьха дегашка даим.
