Россе цIихеза тренер Белхарой Асхьаб сецав
Боккха эшам хилар тахан мехкарча спорта оагIон вахаре. Россе цIихеза тренер, СССР спорта мастер, воккха хьехамча хиннача Белхарой Асхьаба вахар хаьдар.
Ший деррига вахар спорта хетадаь саг вар Белхарой Асхьаб. Тренер хиларал совгIа, шоллагIа вола да хинна лаьттар из къонабарашта. Шоаш хьаийцача гIулакхацара говзал лакхъе, доккхача толамашка бодача наькъ тIа бала гIо деш хилар из спортсменашта.
Эллиной-румий оалача латарах болча, цо Iомабаьча дукхача спортсмений шерра шоай цIераш дIайовзийта вIаштIехьадаьлар. Цар хIара майдилгаца, лакхерча лагIа тIа оттарца Белхарой Асхьаба боккха къахьегам ба.
Дошо алапашца язъяь латт цун цIи мехкарча спорта исторе, хIаьта цо хьийха хIамаш тIехьенгара тIехьенга кхоачаш дахаш да.
«Сердало» газета болхлошта геттара хала хиннаб из хоам. Дала гешт долда цунна! Дала къахетам баь, ялсмален хьаьша волва цох! Бисарашта сатоха низ, иман-сабар лулда Кхеллачо!
