Ерригача Россе къахьегама шоатта хьаллоацаш, болх бир вай мехка
27.04.2024 09:49
Шолжа кхалерча бахархой къахьегама шоатта ГӀажарий-Юртагахьа уллаш долча хьун даькъа доазув цӀендеш дӀаболабелар. Из хоам «Сердало» газетага бир кхалерча администраце. Бахархой, юртсовета депутаташ, администраце викалаш арабаьлар из беркате гӀулакх хьаллаца.
«Цхьан кхале дахаш нах да вай дерригаш, хӀаранена лов, ше вахаш волча моттиге лостам хилар. Цунга хьежжа, хӀаравар аравала веза Ӏалама зе деш мел дараш юстардаха, бехктокхаме къахьега», - кхайкарал дир бахархошка администраце.
Къахьегама шоатта дӀадихьар, вай мехкарча хӀара кхален доазон тӀа.
