88 эзар дешархо тӀаэцаш, наӀараш хьаелларгья мехкарча Ӏ49 ишколо
88 эзар дешархой дӀачубаргба укх шера вай республикерча ишколашка, царна юкъера 9000 эзар бер ишколе хьалхара гӀа боаккхаш да. Из хоам «Сердалога» бир республикерча Паччахьалкхено.
«Дешар» яхача къаман проектага гӀолла хӀара шера керда ишколаш хьалъеш латт мехка. 149 ишкол я тахан мехка болх беш. Дешара шу дӀадоладе ишколаш кийча хилар малагӀча боараме латт тахка араваьлар вай Мехкада Келаматанаькъан Махьмуд-Ӏаьла. Мехка кулгалхочо белгалдир, вай бераш дикача; беррига кхоачам болча ишколашка дешаш хила деза, аьнна.
Еррига ишколаш болх дӀаболабе кийча йий хьожаш, кхетаче дӀайихьар дешареи Ӏилмани гӀулакхех йолча министерствон хьалха латтача Цхьорой Ахьмад-Башира. Эшача книжкашца, йӀовхал лоаттаеча моттигашца, иштта кхыдарашца дувзаденна хаттараш доашхаш болх дӀабихьар кхетаче.
«Цхьорой Ахьмад-Башира теркалдир, ишколашкара кхерамзлен хьал лакхача боараме хила дезилга, дешархой Даьхенцара безам сомабоаккхаш, боккхача мехках Россех доаккхал дайташ дешархой кхебе безилга, вай республикан байракхаш цӀенагӀчарца хувца, аьнна, хьалхадаьккхар цо», - белгалдир кабмине.
