«Кхерамзлен дика наькъаш» яхача къаман проекта чудоагӀаш, нонагӀа дола урамаш тоадаьд. Царех дукхагӀдараш-ялх Центральни администрацен даькъ тӀа да. Царна юкъе ба М.Шаймиева урам 2,43 км бӀаьха, Фабрични урам - 1,53 км., ТӀаргима - 1,19 км., Барханой - 0,32 км., Октябрьски - 0,55 км., Базорканаькъан проспект - 0,9 км. Наьсар-Кертерча куран тӀа кхо урам тоабергба: Наьсар-Кертен - 3,25 км., Могушканаькъан Д. - 1,58 км., ГӀайрбик-хьажий - 1,64 км.

Цул совгӀа, ЦӀечой урамах (0,9км), администраце аларах, дӀахьош да тоабара балхаш, «Шахьара дика хьалаш вӀашагӀдохкара» яхача паччахьалкхен программа чудоагӀаш.

ЦАО доалахьарча ахчах, карарча шера Гурьевски урам тоабе лерхӀ.

Укх деношка, юха ца соцабеш, дӀахьош ба моттигерча администраце низаца наькъашкара кӀоагаш дӀакъовлаш бола болх. Из массехк даькъа бийкъа ба.

Наькъаш дикка тишденнача моттигашка, машенаш дӀайохалуш йоацача, уж балхаш деш да. Укх массехк дийнахьа Фабрични урам тӀарча наькъашка кӀоагаш хилара латкъаш бар. Иштта, кӀоагаш дӀакъовлаш бола болх дӀабихьар Фабрични, Базорканаькъан урмашка», - аьлар хоамо.