2025 шера юкъара болх бераш хьежар наькъий дикалга
Ер шу дӀадоладелча денз, юкъарлон тӀахьожам дӀабихьар массехк тоабаь баьннача наькъ тӏа, «Вахара гӀишлош» яхача къаман проекта чудоагӀаш, царна юкъе дар Илдарха-Гӏалий тӀара Джабагӏанаькъан, Шолжера Пхьилекъонгий урамаш, Наьсарен-Шолжен, иштта Наьсарен-Юкъерча Ачалкхен машиний наькъаш, яхаш, дийцар «Сердало» газетага ГӏалгӀай Республикан автотранса Министерствон зарбан болх лелабераша.
Белгалду, тӀахьожама болх дӀахьош теркаме эц баьча балха дикал лакха хилар, иштта йиллача хана уж балхаш йистедахар.
«Оаха дика юкъеоз юкъара болхлой хӀара гӏишлонга хьожаш, баьча балха бӀарчча мах оттабе таро хилийтара. Юкъарлонхой тоаба массаболча боарам тӀа дӀахьоча балха дикал хилара керттера терко тӀа а йохийташ, зем боаккхаш хул цу моттигашка. Из лоархӀаме да наькъаш тоадеча балха», - аьлар ГӏалгӀайчен машиний наькъий, транспорта министра Хаматхананаькъан Батыра.
