Магӏалбика кхален администраце йоал гулъяра хаттараш дийцар
Гӏалгӏайчен Магӏалбика кхаленна доал деча даькъ тӏарча администраце балха кхетаче дӏайихьар, из хетаяь яр йоал гулъеча хаттарашта. Цига дакъа лоацаш бар юрташкарча администрацей говзанчаш, царна чудоагӏача боахамий кулгалхой. Керттера дийца дош дар йоал гулъеча хаттарашта дукхагӏа терко яра доагӏаш. Доакъашхоша мах оттабир цу хьала, иштта дийцар йоалах дола декхар гулдара болх дӏабахьа безаш хиларах.
«Кхетаче лаьрхӏар, Федеральни йоала моттигага лаьрххӏа дола кхайкарал де, цо эшаш дола хоамаш хьалдайтар дехаш. Цо таро лургья дикагӏа гучабаха йоал яла еза нах, царна тӏехьа тӏахьожама болх чӏоагӏбе. Иштта дӏахьош болча балхо таро лу бюджета пайда луш дола балха дакъа чӏоагӏде, хьабеш бола болх къаьгга хилийта», - аьлар
«Сердало» газетага Магӏалбика кхален администраце зарбан болх лелабераша. Цига иштта белгалдир, йоал яла езарех дола хоамаш цахиларо, тахан из болх дикка юхатетташ хилар.
