Кердача дарбанчен ков тоадеш боахк тахан Ӏаьлий-Юрта
30 сага ӏобийша дарба де аьттув луш йолча участкови дарбанчен, иштта 100 саг цхьан сменах тӏаэца йиш хургйолча поликлиника ков тоадешф, кулг тохаш боахк тахан Ӏаьлий-Юрта. Из гӏулакх тӏадиллад вай мехкадас Келаматанаькъан Махьмуд-Ӏаьлас.
«Къаьстта йоккха терко еш ба укхаза дарба деш хургболча унахошта, иштта дарбанче болх беш хургболчарна паргӏата хилийтара. Къона гаьнаш дӏаегӏа, гонахьарча моттигий куц тоадеш къахьегаш ба цига.
Цу балха тӏахьожам беш ба Наьсара кхален администраце кулгалхочун гӏонча Гаьгенаькъан Бек-хан, Ӏаьлий-Юртарча администраце кулгалхочун гӏончас Оздой Мухьмада», - дийцар «Сердалога» мехкарча Паччахьалкхено.
Унахцӏенон оагӏонца дувзаденнараш меттадоаладар керттерча декхарех да тахан вай мехка. Республика кулгалхочо йоккха терко лоаттаю цу балха. Дегӏа могашал эшаеннача наха дӏачубаха, арабовла хала хургдоацаш хувцамаш деш болх дӏабихьаб цига.
