Дунен халкъашта юкъера берий книжкай Ди дездир Оалкама
04.04.2025 10:18
Оалкамарча культуран цӀагӀа Дунен халкъашта юкъера берий книжкай Ди, берий йоазонхо волча Ганс Кристиан Андерсена 220 шу дизар дездеш, кхетаче дӀайихьар методист йолча Хамхой ПаьтӀамата.
«Андерсена дезаденна фаьлгаш» яхача темах литературни ловзар дӀадихьар цо 3-ча класса дешархошца. ЧӀоагӀа сакъердам хинна дар бераш ловзара-викторина юкъе дакъа лацарах. Къизал йохаеш, дикал йоаржаеш долча фаьлгаша дукха хӀама довзийтад цар ховхача дегашта», - белгалдир методиста. ХӀара бера мерза совгӀаташ луш чакхъяьлар из кхетаче.
