ТӀумагӀара бархӀ гӀишло тоаяьй
01.10.2024 16:34
Къаьнарча Тӏумхой тайпан ТӀумагӀа яхача юрта бархӀ культуран тӀехьален гӀишло тоаяьй, яхаш, дийцар «Сердало» газетага ЖӀайрахьа-Ахабоарзен музее-заповеднике.
Ховш ма хиллара, ГӏалгӀайчен гӀалай доазон тӀа Ӏилма-тохкама балхаш дӀахьош ба «АСМ групп» тоабан говзанчаш, хӀаьта гӀалаш тоаяра болх дӀахьош я «САФМАР» оала ганз.
«ТӀумагӀе гӀалай цхьоагӀо гучаяьнний: тӀох яьча, нах чубахаш хиннача гӀалай лардаш; кхоъ къаьнара малхара каш. Исторен дагалоаттама гӀишлош меттаоттаяра болх дӀахьош ба, уж балхаш дергда 34 моттиге», - аьлар музее-заповеднике.
