Шоай унахцIенон хьал тохкаш хургба ГIажарий-Юртара бахархой
02.07.2024 10:53
Укх бетта 2, 3, 4-ча деношка, шоай унахцIенон хьал тохкаш чакхбала аьттув ба ГIажарий-Юртарча наьха. Цу гIулакха лаьрхIа кийчъяьй моттигаш - культуран цIен доазув, дарбанче. Эшаш мел болча кхоачамца бахархошка хьежаш хургба лораш. Из хоам «Сердалога» бир унахцIенон гIулакхех йолча Министерствера.
«Бахархой аьттув ба терапевта, эндокринолога, онколога, дерматолога, кардиолога, гинеколога, уролога тIабаха. Цул совгIа, кизга оттадайта, маммографи, дега, кхыйолча моттигашта узи яккха йиш я», - белгалдир министерстве. Лорашта дIатIаводача сагага паспорти СНИЛСи хила еза.
