Бахархошкара хаттараш, 23%-га кхоачаш, лохдалар белгалду ЦУРе
Дӏадахача кӏира ЦУРе бахархошкара 106 хоам кхаьчар - хьалха хинначул 23% кӏезигагӏа. «Сердалога» из хоам бера республиканна доал деча оагӏонгара.
Массахана санна, эггара дукхагӏа хаттараш ЖКХаца дувзаденна хул. 47 хоам ба цу хьакъехьа кхаьчараш (44,3%). Хица, иштта кхыдарашца дувзаденнараш тоадар дезаш ба мехкахой хьакимашка гӏолла.
Шоллагӏча, кхоалагӏча моттиге отт наькъашца, токаца дувзаденнараш - хӏара моттигах бийтта-бийтта хоам кхаьчаб ЦУРе (13,2%). Наькъаш тоадарца, гӏаш леларашта доазув къоастадарца дувзаденна да хоамаш, иштта ток боаггӏача боараме хилийтарца дувзаденнад.
Эггара дукхагӏа хаттараш тахан Наьсарера да - 39 (36,8%). Шоллагӏча моттиге отт Шолжа шахьар – 20 хоам ба цигара кхаьчар (18,9%), хӏаьта кхоалагӏча моттиге Магӏалбик латт – 16 хоам (15,1%).
Бахархошкара хӏара хоам теркалбеш, кхача беззача оагӏон болхлошка дӏакхоачийташ болх дӏабихьар ЦУРе.
