Бераша салоӀача лагерешкара кхерамзлен хьал малагӀча боараме латт тохкаш, болх дӀакхухь МЧС болхлоша. Укх наькъа, Эбарга-Юрта уллача Комаров В. цӀерах йолча лагере моллагӀа хатар хилча эггара хьалха де дезар берашта хьалхадоаккхаш хилар ГИМС инспектор вола Темарханаькъан Адам, ГПН болхло ГӀазакханаькъан Башир. Из хоам «Сердалога» бир МЧС болхлоша. Къаьстта йоккха терко тӀайохийташ дийцар берашка, хи тӀа нийсбелча лораде дезарех.

Царна хьалхадаьккхар, кхераме дац аьнна хеташ долча хин юхерча ловзарех, доккха хатар хила йиш йолга.

«МЧС болхлоша берашка дехар дир, лувча йиш яц, аьнна, улг оттадаьча моттигашка лувча ма аха, шоашта ца довзача хи чу ма дувла, хи чу лувчаш доахкаш гаьна дӀачу ма аха, аьнна.

Иштта царга дӀахьекхар, хи чу воаллаш кхерамеча хьале отте, эггара хьалха фу де деза», - дийцар МЧС викалаша.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде