«Аьрзи» яхача берий лагере аьхки салоӏаш хургда 900 гаргга бер
Гӏалгӏай Республикан кулгалхо Келаматанаькъан Махьмуд-ӏаьла вахар Жӏайрахьа кхален «Аьрзи» яхача берий лагере, яхаш, дийцар «Сердало» газетага мехка кулгалхочо.
«Из хьежар мишта дӏахьу ахканга кийчо яра болх, ахкан могашал тоаяра кампане. Чакхваьлар ерригача фусамашка хьожаш, столове, лорий кабинете, деррига доазув малагӏча хьале да хайра. Юкъара дӏалаьрхӏача из болх дӏахьош ба, цхьацца дола хӏамаш юкъ-юкъе кхы а динза дисадале а. Цо царна хьалхадаьккхар кхоачашде дезар. Карарча шера 3700 бер хургда салоӏаш цу лагере. Сона лоархӏаме да хӏара бера салоӏама ха кхерам боацаш дӏаяхьар, цар цох пайда эцаш хилар», - аьлар Макшарипа Махьмуд-ӏаьлас.
Цо иштта белгалдир, 100 бер гаргга доагӏаргда Запорожски областера Гӏалгӏайче, аьхки салаӏа берий лагерашка.
Цу балха керттера дакъа дӏалоац СВО бераша, иштта дукха дезал болча фусамерча, могаш доацача бераша. Хозача моттиге уллача «Аьрзи» лагере 900 гаргга бер хургда салоӏаш Иштта ишколашка болх беш а хургья берий майдаш, ахкан хоза ха цига дӏахьош хургва кхы тӏа 2600 ишколай дешархо.
Мехкадас белгалду, берий салоӏама ха дӏаяхьара юкъе дакъа лоацаш мел волчун декхар да, берашта дика хьалаш хьакхоллар. Цул совгӏа, цар мукъа ха дӏахьош пайдане дола гӏулакхаш леладергдолаш кийчо яр.
