Магасе берий технопарке дӏахьоргда «Инженерни салаӏар»
Республикански «Кванториум» технопарке аьтинга бетта 1-ча денгара 11-ча денга кхаччалца, «Инженерни салаӏар» дӏахьоргда 8-17 шерга кхаччалца ха яьннача берашта лаьрхӏа.
«11 дийнахьа доакъашхоша ӏомаергья Робоквантум» кружока программировани, из вӏашагӏйоллара болх, уж ӏомалургба квадрокоптерашца болх бе, иштта йовзаргья 3Д-кепаш оттаяра оагӏув, графически дизайн яра хьал довзаргда, ӏомадергда ӏT-квантума лостамаш. Уж денош чакхдоалаш ярмарка дӏахьоргья, цига берий таро хургья шоайла балхаш гойта, хувцамаш де», - аьлар дешара моттига администратора Налганаькъан Мадинас.
«Инженерни салаӏар дӏахьоргда шин кӏира, берий таро хургья балха говзал лакхъе, шоайла доттагӏала моттигаш чӏоагӏъе, тайп-тайпарча даькъ тӏа шоашта карагӏдолар довза», - аьлар «Кванториуме».
Тхога хоам баьчо яхачох, из болх беш гаьнабаьннарашта цар кийчдаьд массехк чоалхане дола балха дакъа.
