Мехка 9 моттиге 19 юкъара доазув тоадаьд
ГӏалгӀай Республикан Паччахьалкхен Председатела Сластенин Владимира дакъа лаьцар Паччахьалкхен комиссе президиума кхетаченна юкъе, мохк дегӀабоалабара хаттар дар дувца оттадаь хиннар, из гойтама конференце кепара дӀахьош вар вице-премьер Хуснуллин Марат. Цига дийцар «Вахара хьалаш» яха къаман проект мехка миӏингашка кхоачашъярах.
Карарча шера ГӏалгӀай мехко цу проекта чуйоагӀаш 27 гӏишлонна контракташ чӀоагӀъяьй; дукха болх чулоацаш, цу юкъе шахьара доазош тоадар, коммунальни хьалаш хьакхоллар, хица Ӏалашо яр, бӀеха хиш дӀауха моттиг хьаяр долаш. Республикан 19 юкъарча моттиге лостам баьб, юхейиса йиъ йистеяккха лаьрхӀад, оагӀой бетта 1-ча денга кхоачаш.
«Хӏара программа чакхйоаккхаш я наьха хьашташ кхоачашдара, цудухьа вай декхарийла да цу гӀулакхаца бехктокхаме хила, хьадеш долча балхий дикал лакха хилийта. ГӏалгӀайчен Паччахьалкхе лаьрхӀа я дӀахо а цу хаттарашта терко лоаттае, керда проекташ кхоачашъе, бахархой вахара хьалаш тоаде», - аьлар Сластенин Владимира, къаман проектах дола балхаш дувцаш.
ДукхагӀа цу лостамагӏа балхаш дӀахьош да Илдарха-Гӏалий тӀа, Наьсаре. Илдарха-Гӏала цӏенхештта тоае езаш я, цига керда хин турбаш чуйоахкаш латт 15 километр йӀаьха. Наьсарен-Шахьара дика хьалаш яха проект кхоачашъеш латт, из болх дӀахьош ба 140 миллион сом грант яларах.
