Бахархошта лоархӏаме бола никъ тоабеш боахк Долакха-Юрта
23.09.2025 16:44
Керттерча наькъаца хоттам бола Спортивни оала урам тоабеш болх дӏаболабир Долакха-Юрта. Цу урама оагӏонца да маьждиг, ишкол, культуран Цӏа, иштта кхыйола лоархӏаме моттигаш.
Наьсарен кхален администраце белгалдечох, 1,7 километрага кхоачача урам тӏа асфальт ӏобулларгба, бордюраш оттаяь, басарашца къоастама такаш деш болх дӏахьоргба.
Белгалде деза, из урам тоабар бахархошта лоархӏаме, цар дукха сатийса долга. Цар дийцачох, ахкан хана геттара чӏоагӏа дом айлуш, хӏаьта шелал эттача тӏоадал латташ моттиг яр из. Бахархой чӏоагӏа гӏадбаха ба цу хувцамашта.
