Долакха-Юртарча культуран цӏагӀа «Славаьний тӀехьале» яха кхетаче хилар
Долакха-Юртарча культуран ЦӏагӀа «Славаьний тӀехьале» яха тематически кхетаче хилар. Кхетаче хетаяь яр славаьний, культуран йоазон Ди лаьрххӀа чӀоагӀдаьча хана денз 35 шу дузаш хилара. Из дӀадихьар, Россе халкъа цхьоагӀон Шера чудоагӀаш. Цӏай вӀашагӀделлар, из дӀахьош хиннар яр культуран-салоӀама урхаллен исбахьален кулгалхо Манкенаькъан Зина, цу программа керттера доакъашхой бар моттигера дешархой.
«Из цӀай хиларо хьалхадоаккх юкъарлон славаьний овла мичара хьабаьннаб, метта кӀоаргал, хозал, Ӏадаташ, гӀулакхаш довзийт. Славаьний йоазоно хьагойт; духхьал алапаш, графический белгалонаш хинна ца Ӏелга. Из да дийна истори, юкъара культура, ноахала дагалоаттам, къаман тӀехьале», - аьлар «Сердало» газетага Манкенаькъан Зинас.
Кхетаче дӀахьош цо хьалхадаьккхар берашта славаьний алапаш хьадаьнна исторически бахьанаш. Бокъонах йоазув хьакхеллараш лоархӀ вежарий- зиракаш Кирилл, Мефодий. Къаьстта цар хьакхеллар ӀХ-ча бӀаьшере хьалхара славаьний алапат, цар дукха къахьийгар, керттера дина гӀулакхаш дувцаш дола книжкаш славаьний меттала доахаш. Цо таро елар книжка гӀулакх, литература дегӀадоаладе.
Долакха-Юрта дӀайихьача кхетачено новкъостал дир къонача доакъашхошта, исторически дагалоаттам лорабар из лоархӀаме гӀулакх долга кхетаде.
