Вахаре лоархӏаме дола гӏирсаш увттадеш ба Магасерча цӏеношка
10.02.2026 10:05
Магасерча цӏеношка цӏи яьлча хоам беш дола гӏирсаш (АПИ) увттадеш латт тахан. Из хоам «Сердалога» бир шахьара администраце.
«Магаса мэра тӏадилла дӏахьош ба из болх ГОЧС оагӏон кулгал деча Хулаганаькъан Мухьмада. Уж гӏирсаш увттадар чӏоагӏа лоархӏаме да дукха бераш, ха яха нах, дегӏа могашал эшаеннараш бахача цӏеношка», - йоах тхога бенача хоамо.
Батарейкашца болх беш да цӏи яьлча хоам беш дола гӏирсаш. Кӏур болалушшехь, чӏоаггӏа ӏимадаш еш, хоам бе долалу батарейкашца болх беш дола гӏирсаш.
Тхьайса уллачун, сомаваьнна, цӏи яьннача моттигера аравала аьттув хургба царца. Болхлоша бахархошта хьалхадоаккх, уж гӏирсаш чӏоагӏа эшаш, пайда беш долга.
