Дола-Коарча культуран Цӏагӏа кхетаче дӏайихьар, СВО доакъашхой хьаллоацаш
Дола-Коарча культуран Цӏагӏа «Украинера хьал: лоархӏаме къамаьл» яха патриотически кхетам балара кхетаче дӏайихьар. Из хетаяь яр лаьрххӏача тӏема операце бӏухошта. Из дӏахьош хилара ларде латтар кхувш йоагӏача тӏехьен патриотически кхетам балар, цар Даьхенцара безам чӏоагӏбар таханарча Даьхен турпалхоех бола дагалоаттам лелабар.
«Кхетаче дӏахьош хиннача Бохтаранаькъан Иманас дийцар СВО керттерча моттигех, тахан Россе бӏухоша лоархӏаме декхар кхоачашдеш хиларах. Цо иштта белгалдир, хӏара дийнахьа, тӏема мугӏарашка латтача бӏухоша гойташ дола денал, майрал. Пограмман керттера дакъа дӏалоацаш дар ДК ӏомалучар цига байташ ешар, уж хетаяь яр лаьрххӏача тӏема операци дӏахьош болча доакъашхошта. Кхетачен хьал тоадеш дар цига «СВО турпалхошта карагӏдаьннар» яха гойтам хилар, из кийчбаьбар библиотекан болхлоша. Гойтаме яр тӏемах лаьца йола хоамий материалаш, очеркаш, хроника», - аьлар «Сердало» газетага Дола-Коарча культуран Цӏен кулгалхочо Алерой Билала.
Кхетаче чакхйоалаш, йист ца хулача Минотаца дагабехар тӏем тӏа байна бӏухой.
Кхетаче дукха дагайоагӏаш хургья цига хиннача наха, цо хьагойтар цхьоагӏо хилар, исторически дагалоаттам лелабар лоархӏаме долга.
