Россе къамий цхьоагӏонах дийцар Яндарерча культуран Цӏагӏа
16.09.2026 14:03
Россе къамаш цхьанкхетара Денна хетаяь «Барт хиларца ба вай низ» яха сайре дӏайихьар Яндарерча культуран Цӏагӏа. Цун исбахьален оагӏонцарча балха хьалха латта Йовлой Мадина яр кхетаче дӏахьош хиннар.
«Россе къамий ӏадаташ, культура лоархӏаш хилара хетаяь кхетаче яр из. Цхьан мехка дахаш дола къамаш шоайла барт болаш, оагӏув хьаллоацаш, гӏо деш хилар мел лоархӏаме да белгалдир цига», - йоах «Сердалога» цу моттигера кхаьчача хоамо.
Йовлой Мадинас къонача тӏехьенна хьалхадаьккхар, кхыдолча къамий ӏадаташца шийчарца санна лерхӏам хила безилга, моллагӏа саг вӏаши барт чӏоагӏлургбола хӏама доаржадеш, хьаллоацаш, дикача хӏаман тӏахьехаш хила везилга. Боккхача мехка низ хилар, чӏоагӏа хилар, хӏара денна хӏама тоадалар цу гӏулакхех латташ да.
