ЖIайрахьа кхалерча хьунагIа юха а цIи яржаш латт
17.07.2024 09:27
ЖIайрахьа кхален Iарамхерча хьунагIа яьнна цIи тахан Iуйран мара дIайоаяь баьннабацар; бакъда цIи, юха а лотаенна, яржаш латт, 5 га доазув дIалаьца. Из хоам «Сердалога» бир МЧС болхлоша.
Цу гIулакхах болча болхлоша белгалдечох, республике йIаьхача хана латтача лакхача йIовхалах ювлаш я цIераш.
«Геттара дIайха денош латт мехка, из бахьан тоам ба цIераш ювла. Юхера доазув лотадалара бахьан хила йиш я, геттара йIовхал латтача хана атта цIи йоалаш йола кхорзаенна баьцаш. Шолжа кхален МЧС болхлой боахк цига, даггара цIи йоае гIерташ. Нах бахача доазон тIа цIи дIатIаялара кхерам бац, Даьла къахетамца», - белгалдир МЧС.
