Галашка дийцар бокъонаш лораярца, кхерамзленца дувзаденна къамаьл
Укх деношка, Галашкарча культуран цӏагӀа бахархой кхетаче хилар, цига Ӏаьдала викалаша, юкъара болх бераша дийцар, Оалкама, Галашка, ДаьттагӀа, Мужеча бахача нахаца хьалхарча аргӀагӀа кхоачашде дезаш латта дешаш. Керттера теркам тӀабахийтар ГӏалгӀай Республике гӀолла йолча МВД балха, цо моттигерча наьха вахаре лоархӀаме дакъа дӀалоацаш хилара.
Цу юкъе дар наркоманена духьалъотта дезаш хилар, наькъа кхерамзле лорае езар, кхы а бахархой вахара Ӏаткъаш дола хаттараш.
Нахага дикагӀа хоам дӀакхачийтара, бокъонаш лораяра Ӏаьдала болхлоша кепайоазув тӀадола каьхаташ дӀадийкъар, цар тӀа зуламаш дарах бола хоам боаржабеш йоазонаш дар.
Цул совгӀа, лелхаш дола тӀема гӀирсаш, бокъо йоацаш леладу герз Ӏаьдалга дӀадалара тӀахьийхар, царех мах цу наха дӀа а луш, из болх дӀахьоргхилар чӀоагӀдир.
Республикан тӏема комиссариата викала дийцар лаьрххӀача операце декхарех, хӀаьта ГӏалгӀай Республике гӀолла йолча МВД экстремизма, терроризма духьаллаттара йолча Центра болхлочо дийцар, цу зуламашта юкъеваьннача сага духьала уголовни гӀулакх хьаделлаш хиларах. Цу къамаьло наьха сакхетам совбаьккхар, юкъара болх берашца, Ӏаьдала викалашца бувзам лелабар чӀоагӀдир.
