Галашка дийцар гӏалгӏай ший белггала болча тӏабувхабеча къаман гӏирсах
Галашкарча культуран Цӏагӏа дӏайихьар «Гӏалгӏай къаман гӏирс» яхача лостамагӏа йола сайре. Доакъашхой таро хилар истори, иштта бӏаьшерашка гӏалгӏай къаман тӏабувхабеча гӏирса ӏадаташ довза.
«Из кхетаче дӏахьош хинначо хьаьшашта лаьрхӏа цу гӏирса истори довзийтар. Цо белгалдир, къаман дувхаро гӏалгӏай къам довзийташ хилар. Из духхьала тӏабувхабу гӏирс хинна ӏац, из ба эздела овла, хоза гӏулакх гойташ бола лерхӏам», - аьлар «Сердало» газетага из болх вӏашагӏбеллараша.
Кхетаче дӏахьош белгалдир, гӏалгӏай гӏирса юкъе ца йоагӏаш оттаяь цхьаккха хозала кеп яц, хӏарадар ший моттиг дӏалоацаш да.
Маӏача наьха чокхе белгалду бӏухо ший цӏа лораде кийча хилар, хӏаьта наькх тӏа дотув, дото тӏехкар доалла кхалнаьха чокхий да наха юкъе кхалсаг лакха цӏи йолаш хилар белгалдеш.
Кхетачен хьаьшашта из истори довзарал совгӏа, уж ӏадаташ таханарча вахаре лорадара никъ а байзар.
