Студентий-историкий практика дӀахьу ГӏалгӀайчен ГАСе
Карарча хана шоай дешара практика ИнгГУ исторически факультета студенташа дӀахьу Паччахьалкхен архивни г1улакха чуйоаг1ача республикан архива даькъ тӀа, цигарча говзанчаша кулгал а деш.
Студентий таро я хьажарал совгӀа, цу архива материалашца, цунца цхьана лоархIамеча каьхаташца болх бе Ӏомабала.
«Архива болхлоша студенташта хьех архива каьхаташ дӀадалара, уж вӀашагӀтохара, архивни материалаш кийчъяра болх. Къонача историкий таро я архива болх лелабе Ӏомабала, из царна лоархӀаме да. Каьхаташ нийса лорадеш хилар эшаш да, хургйолча тӀехьенга исторически хоамаш кхачийтара даькъ тӀа.
Уж Ӏомалу вӀашагӀдохка, шоай аргӀ-аргӀагIа уж дадаш хургдолча боараме леладе, иштта тохкама балхаш кхоачашде. Из балха говзал, кердадараш хила дезаш да цар хургйолча профессен балха, из исторически тохкам бале а, архива е дешара гӀулакх дале а», - аьлар «Сердало» газетага ГӏалгӀай Республикан ГАСе.
