Гирети яхача лоаман юрта маьхийдоахкорг корайир археологашта
31.03.2026 09:14
Гирети яхача лоаман юрта болх дӏахьош боахкача археологашта къаьнарча хана лелаяь маьхийдоахкорг корайир. Из хоам «Сердалога» бир «Тӏехьале» яхача тӏоговзанчий Ишкола зарбан болх лелабераша.
Гӏалай юрта корадоагӏаш мел дола доккха доаца хӏама а лоархӏаме да тахан, хӏана аьлча вай даьй вахарера гӏулакхаш довзийташ да из. Гирети лаьттача гӏалан чу баьхараш маха боаккхаш, лаьтта оахаш, шоай фусама хьал тоаде гӏерташ къахьегаш баьхалга вайна бӏаргадайташ йола хӏамаш я тахан археологашта кораераш.
«Гӏалай юрташка баьхарий гӏулакхаш довзийташ да из деррига. Хӏара хӏаман истори тохкаш болх дӏахьоргба лабораторе», - аьлар «Тӏехьале» яхача Ишкола болхлоша.
