Нахьара маьчех диса дакъа корадир, Гирети яхача гӏалай юрта
Гирети яхача лоаман юрта къахьегаш боахкача археологашта нахьара маьчех диса дакъа корадир. Гӏалашка бахаш хиннача вай даьша лелаяь хинна маьчеш я уж тхьоврача хана. «Гӏалай хьисапе долча лаьттан кӏалхарча №3 йолча малхарча каша корайир из.
Чӏоагӏа лоралуш болх дӏабахьа беза цунца. Ше хиннача тайпара из меттаоттае хьожаргба цу оагӏонцара болхлой. XVӏӏӏ-ча бӏаьшере гӏалашка бахаш хиннача вай къаман наха лелабаь гӏирс ба из, историкаша белгалдечох», - дийцар «Сердалога» «Тӏехьале» яхача тӏоговзанчий ишколе. 90 шу даьннача Пхьугӏой лоархӏаш волча Элмарзанаькъан Ахьмада Ювсапа белгалдечох, бера хана гӏалан чухьнахьа нахьара маьчеш лелайора цар, хӏаьта кӏалха ферташ ядаш хиннай.
«Иштта йола хӏамаш атта корайоагӏаш яц гӏалашка. Кхеран яьшкашка, лаьттан кӏалха тӏоарска хӏамаш ехе, цу хиле дӏайоал. Малхарча кашамашкара хьал бахьан долаш, ца йохаш йисай маьчеш»,- дийцар тха газетага.
