Эсо вихьа саг лохаш, болх ба мехка дIахьош
03.08.2026 11:51
Эсо вихьа мехкахо лохаш, боккха болх ба укх массехк дийнахьа ЖIайрахьа кхале дIахьош. Хьийдда доагIача доккхача хи чура саг лаха оарцагIбаьннаб МЧС болхлой. Кхаь оагIонцара тоабаш я, цу гIулакха ураэттараш. «Сердалога» из хоам бера цу моттигера.
«Тоаркхо», «Эрше», «Iарамхи» яхача МЧС тоабашцара болхлой ба цига къахьегаш боахкараш. Лакха говзал, начIал дола 23 саг ва уж, иштта лаьрхIа цу гIулакха йола ялх машина, хин кIалха гIолла хьажа аьттув луш дола гIирсаш да цига.
Из саг хургва аьнна мел хетача моттигашка хьожаш ба МЧС болхлой. ТIакхача хала долча доазон тIа тохкам беш, берда йистошка хьожаш, могар деш ба уж.
Хий сов сиха даро, кхерий долаш а геттара шийла а хиларо новкъарле ю царна, хIаьта а операци соца ца еш, болх дIахохьош ба уж.
