«Акварель» яхача студе гойтам ба, вай лоаме хьабеллаш
Жӏайрахьарча культуран Цӏагӏа тахан хьабеллаш, «Акварель» яхача кхоллама студе гойтам ба. Тайп-тайпара мехкара хоза ӏалам довзийташ балхаш гургда цига наха.
«Жӏайрахьа кхален тамашийна долча ӏалама юкъе дӏаьха сахьаташ дӏакхухьаш, хьакхелла долча бӏаь совгӏа суртага хьажа аьттув ба бахархой, иштта хьаьший. Лоаман моттигаш, кура бовхьаш дола гӏалаш, сийна сигале – уж хӏамаш шоаш ма дарра хьагойташ болх ба суртанчаша дӏабихьар», - йоах «Сердалога» культуран, туризма гӏулакхех йолча министерствон болхлоша.
«Акварель» яхача студе проекта керттера декхар къаман дӏаьхий, беркате дола истори басарашка, кӏадага гӏолла дӏагойтар дар массанена. Культуран оагӏонцарча вахаре лоархӏаме болх ба из гойтам дӏабахьар. Хӏетта хьакхелла дола суртанчий говза балхаш довзаргда цига гулбеннарашта.
Гойтаме дакъа лаца бех берригаш: кхоллам лоархӏараш, туристаш, бахархой. Моллагӏчо дакъа лаца йиш йолаш моттиг я из.
