Гвези яха гӀалай моттиг техкар лоамашка
ЖӀайрахьа кхален ГӀулой хин оагӀонца уллаш йолча «Гвези» яхача гӀалай моттиге тохкамаш деш хилар ЖӀайрахьа–Ахабоарзен музея болхлой, шоай кулгалхочунца Сампенаькъан А. Из хоам «Сердалога» бир цу моттигера.
Хьадувцачох, 1926-ча шера нах дӀаязбеш дӀабихьача балхах, цу моттиге ваьхараш ворхӀ саг ва, карарча хана уралатташ йисар цхьан гӀатах цхьа гӀала я, дӀахояраш еха дӀаяьнна дукха ха я.
«Юрта юкъерча моттиге лаьттан кӀалха кхеран яьшкаш латташ малхара пхи каш да. Нах бахаш хиннача гӀалан дӀачувоаллача боаллача кхеран тӀа петроглифаш я кхаь кулгий ларах латташ - ши кулг воккхача сага да, цаӀ - бера. Из моттиг вӀалла йовзаш цахиннарех я, тӀакхача хала долаш, вӀалла саг тӀа ца водаш.
Цун юхе яда«Агутыр», «КашетӀе», «Оасег» яха гӀалай моттигаш. ДӀадахача шера ахкан хана, Гвезии Агутыри яхача юрташта юкъе 13 чурт латташ кашамаш, иштта 5 бусалба наьха боарз гучабаьлар», - дийцар «Сердалога» сигален кӀалхарча йийллача музея болхлоша.
