ГӀалгӀайчен лоамашкарча Товханте коа лостам бир
03.10.2024 00:55
Товханти оала ков да Меларе малхбоалехьа. Из да шозза ваштӀара яьча цхьан гӀалах латташ, вай моттигашка доацача тайпара хьалдаь, гергача къуббанна тара долаш. Къубба тамашийна дика латтийсай. Из дикагӀа латтаргйолаш болх дӀабихьар укхаза ЖӀайрахьа-Ахабоарзен музея-заповедника болхлоша.
Къубба йолча даькъ тӀара листа хьалтӀаяьнна буц дӀахьехкар. Цо цхьан оагӀорахьара дагалоаттама гӀишло къайлайоаккхар цига хьажа безамбарех, хӀаьта лакха йоархӀаш тӀаяьнна хилар а массехк цу гӀишлонна кхераме дар.
Диг а херх а эшаш дар цигара хьал. Уж дӀатедаш, дӀахьокхаш болх бир. ХӀанз культуран гӀишло мукъаяьккхай эрий тӀаяьннача йоархӀех.
