ГӀалгӀайчен лоамашка хьежар, Шоанерча бейнарий мишта сий ду
ЖӀайрахьа-Ахабоарзен музея-заповедника болхлой баха хилар байнарий шахьар оалача моттиге. Из я Шоане яхача моттига гаьна йоацаш. Цох дийцар цигарча зарбан болх лелабераша.
Бейнарий Шоанера шахьар - из каш да, 200 совгӀа лаьттан кӀалха саг дӀавелла воаллаш. Говзанчаша яхачох, дӀаяхача бӀаьшерен ханашка хиннад из.
Кашамаш ма дарра лаьттан кӀалха да. ТӀехнахьа кхерах даь бӀоагӀий да, цига гӀолла ӀокӀалвала а хьалтӀавала а йиш йолаш, йита моттигаш я, цунна ах тхов лаьттагӀара хьалъарабоалаш ба.
Цхьадола кашамаш чура шоайла вӀаший хотталуш да, хьалтӀавала а ӀокӀалвала а таро йолаш. Кашамий тхов ши оагӀув болаш ба, наггахьа мара ши оагӀув болаш нийслуц. Цхьайола нах дӀабехкаш хинна моттигаш, бейнараш Ӏобехкаш лелаяь лаьрххӀа моттигаш йолаш я. Юкъара уж моттигаш дӀалаьрхӀача, 77 мара царех паччахьалкхено дӀаязъяь латташ а яц. ЛаьрххӀа дола балхаш дӀадихьачул тӀехьагӀа, гӀалгӀай къаман культуран тӀехьален гӀишлошта юкъехьоргья», - аьлар ЖӀайрахьа-Ахабоарзен музее-заповеднике.
