Гӏалгӏайчен лоамашка дӏахьош я, альпинизмах йола марафонски чемпионат
Гӏалгӏайчен Жӏайрахьа кхале дӏахьош я альпинизмах йола Россе чемпионат, цига лакхача лоамашка гулбелар берригача мехкара спортсменаш. Карарча шера, дикагӏвар яха цӏи яккхара яхьебаьлар Россе моттигашкара альпинисташ. Яхьаш дӏахьош я «Марафон» яхача эггара наьха безам тӏаозача, чоалханеча кепара.
«Спортсменаш шишша цхьана ва аравоалаш. Марафон дӏахьош кхоачашде деза декхараш хала да. Шин дийнахьа лоамий лакхал тӏа 8 сахьата болх беш хила веза хӏара дийнахьа вӏаший вувзавенна шиъ. Цу тайпарча хьалака толам баккхара керте латташ да дика физически кийчо, е лакха технически говзал хилар. Хьалхарча мугӏаре латт балха говзал. Доакъашхой шоай низ бекъа безаш ба дукхача сахьаташка бе безача балхага хьежжа, лоам тӏа мел сиха вала веза ха деза, лоаман наькъаш хувцалуш хиларга хьежжа, цу хьалашка сиха ӏама веза. Жӏайрахьа кхале лоаман чоалхане архитектура я, цига сатохалуш, чӏоагӏа оамал йолаш, дика дувзараш деш хила веза», - аьлар «Сердало» газетага.
Хьалхарча дийнахьа къоастаду кхадж тоссаш болх дӏаболабара хьал. Шоллагӏча дийнахьа шоайла бувзалураш дераш арабоал шоай хьалхарча балха хиннача толамга хьежжа. Пенаш тӏа ва даим шиъ цхьанне кӏийле чӏоагӏъеча юкъа, шоллагӏвар хьалха хул. Цу дерригнена мах оттабара, шаккхе альпинист тӏеххьарча даькъ тӏа дӏа а кхаьча, беррига гӏирс гулбе безаш ва.
Майдилгаш йоах маӏача наха, кхалнаха юкъе къаьсттача яхье. Цу яхьашка дакъа лоацараш ба хьалхара спортивни разряд яраш. Котбаьннарий цӏераш ховш хургья кхоана, яхьа лаьрххӏа кхетаче йолаш.
